POLICE FC GUTHII NAMBERE NA KURAIHIRIRIA THUMBI YA KPL
Written by Kayu Official Digital on February 3, 2026
- NAIROBI & ENVIRONS 91.0 | MT KENYA REGION 91.1FM
Njorua ndeteri ligi-ini ya Kenya hari kagi ka maguru Police FC ni ithiite nambere kuraihiriria thabari-ini ya gutetera thumbi ino kimera-ini uu ari thutha wa kunyitwo kabati ya mbao 1-1 ni mbutu ya Bidco FC.
Ni maumirira matigite imwana ici iri na point 11 thutha wa atongoria Gor Mahia na uguo kuraihiriria mutaratara-ini wa kurangira thumbi na iria mayukirie kimera kihetuku rita ria mbere bururi-ini.
Nginyagia riu Gor Mahia iri gacumbiri ka ligi na point 40 thutha wa guthaka mbitika 19 riri AFC Leoprads iri namba igiri na point 36 thutha wa guthaka mbitika 18, Shabana iri na point 31, Murang’a Seal point 30 riri Police FC iri namba ithano na point 29.
Shabana FC, Murang’a Seal na Police FC ithakite mbitika 19 nginyagia ihinda riri kuria Sofapaka yohete ligi ino na point 14 thutha wa guthaka mbitika oro 19.
