MAN CITY GWIKIRWO IGECA HIKAHIKANO-INI YA GUCARIA THUMBI YA EPL
Written by Kayu Official Digital on February 2, 2026
- NAIROBI & ENVIRONS 91.0 | MT KENYA REGION 91.1FM
Igeria ria imwana cia Manchester City gukunderia utongoria wa ligi ya EPL hari mbutu ya Arsenal nirirakobobanirio utuku wa ira thutha wa imwana ici kunyitwo kabati ya mbao 2-2 ni Totenham Spurs.
Ni mbitika mbutu ici cia The Citizen irari mbere kibindi kia mbere na mbao 2 kugerera athaki Rayan Cherki dagika-ini ya 11 na Antoine Semenyo dagika-ini ya 44 no indi kibindi gia keri muthaki Dominic Solanke dagika-ini cia 53 na 70 araingiria mbao cia ihatha na uguo gutumumania uhotani wa mbutu ya City.
Ni kabati irekirire igeca hari City ihenya-ini ria uhitaniri wa thumbi ya EPL, kuria imwana ici iri point 6 thutha wa atongoria Arsenal aria mari na point 53, kuria nacio imwana cia Aston Villa irahimbitirwo ni athaki 10 a Brentford na mbao 1-0 na uguo gucungiriria cio guikara namba oro ithatu na point 46.
