ATHAKI A 23 KUHEO MWEKE WA KUONANIA UHIGIRIRU WAO HARI KAGI KA NYARARI
Written by Kayu Official Digital on January 29, 2026
- NAIROBI & ENVIRONS 91.0 | MT KENYA REGION 91.1FM
Athaki 23 kuuma irabu cia ligi ya guku bururi-ini hari nyarari nimatanyitwo kwarukana na kambi ya kiumia kimwe ari ta njira ya kwihariria mbitika-ini cia WAFCON 2026.
Ni ikinya rikinyukitio ni murutani Beldin Odemba kuria athaki mari na mweke wa kuiyukio na gutukanirwo na mbutu ya kibururi ya Harambee Starlets iria igukorwo igithaka mbitika-ini cia WAFCON 2026.
Ni kambi igukorwo iri ya kiumia kimwe, na thutha ucio kambi ya muthia yambiririe tareki 15 mbere ya mbutu ya bururi ikinyanirie kumagara guthii bururi-ini wa Morocco mweri wa gatatu.
Starlets itanyitwo kuhingura mbitika ici cia WAFCON 2026 tareki 17 iking’ethanira na ahariria Morocco.
