ARUTANI A JSS MURANG’A GUTETIA UTIRIA WA ITHURANO CIA KUPPET GICIGO-INI GIKI

Atongoria amwe aria makoretwo mehothete kuhuranira iturua itiganite cia utongoria kiama-ini gia KUPPET kaunti-ini ya Murang’a nimatetetie ikinya ria igoti ria kurugamia ithurano ici.

Makiaria arutani aya maugite ikinya riri nirigagaitie wihariria wao wa ithurano ici na uria makoretwo naguo kwa ihinda, magitanya ithurano ici iharirio muthenya wa jumamothi ino no indi igacoka kurugamio ni igoti.

Ni undu marekirira ucuke, makiuga kwaya gukorwo na njama hithanie cia guthoga ithurano ici na njira ya gucitiria kuuma kuri amwe a atongoria a kiama giki kuuma Murang’a na makiria kuona oo ni arutani a gikiro kia JSS na aria maracaria iturua cia kiama giki rita ria mbere.