MICHAEL CARRICK KWAMURWO TA MURUTANI WA IHINDA WA MANCHESTER UNITED
Written by Kayu Official Digital on January 14, 2026
- NAIROBI & ENVIRONS 91.0 | MT KENYA REGION 91.1FM
Muthaki wanahu kabere wa Manchester United Michael Carrick niamuritwo ta murutani wa ihinda wa imwana ici niguo gucinora kagi ka maguru nginyagia muthia wa kimera giki.
Carrick wa ukuru wa miaka 44 araharukia iratu ikoretwo na thina munene hari kunora imwana cia Man U uu ari thutha wa imwana ici gutigithia wira murutani Ruben Amorim tareki 5 mweri-ini uyu kumana na maumirira urugamiriri wa kirabu giki ukoretwo ukiuga ni muuru.
Kibarua kia mbere kia muthaki uyu wanahau kabere onagukiri uguo gitanyitwo gukorwo kiri kiritu muuno kuona agacemania na mbutu ya Manchester City jumamothi ino mbitika-ini ya ligi, kuria Steve Holland na uria nahau kabere wari munini wa murutani munene wa mbutu ya Ngeretha amuritwo ta munini wake.
Riri ti rita ria mbere hari Carrick na uria wathakire mbitika cia hamwe na mbutu ino 464 kwa ihinda ria miaka 12 kunyitirira karai ka urutani kirabu-ini giki, kuona kuuma ahuruka kagi akoretwo agika uu mahinda kwa mahinda.
