ARSENAL GWITHECERERA GACUMBIRI-INI KA LIGI YA EPL
Written by Kayu Official Digital on January 4, 2026
- NAIROBI & ENVIRONS 91.0 | MT KENYA REGION 91.1FM
Imwana cia Arsenal niihingurite utongoria wa point 6 hari ligi ya Ngeretha, EPL uu ari thutha wa gukaranga mbutu ya Bournmouth na mbao 3-2 utuku wa ira.
Ni mbitika Arsenal irambiririo na mbao kugerera mahitia ma murangiri Gabriel karai-ini ka urangiri na muthaki Evanilison dagika-ini ya 10 arayukia mweke ucio na kuhingura mbao no indi thutha ucio dagika ithathatu Gabriel aratharia mahitia maya na njira ya kuigananiria imwana ici cia Mikel Arteta.
Kibindi gia keri muthaki wa karai ga gatagati Declan Rice arakinyaniria nyota wake wa mbao cia ihatha dagika-ini ya 54 na 71 na muthia Bournmouth irahota kuongerera mbao ya keri kugerera muthaki Eli Junior dagika-ini ya 76, uhotani uyu ukiiga Arsenal gacumbiri ya EPL na point 48 na kurumirirwo ni Aston Villa aria mari namba igiri na point 42 thutha wa gukaranga Nottingham Forest na mbao 3-1.
Onagukiri uguo murugamo wa ligi ino na makiria namba igiri no ucenjie umuthi utuku kumana na maumirira ma mbitika gatagati ka Chelsea na Manchester City.
