NGARAMA YA IGURU KURITUHIRA AKENYA RIRI TWEREKEIRE MAMBURA

Muingi guku muci-ini munene wa Nairobi ni matariirie uria ngarama ya uturo yambatiire ukiuga ihinda-ini riri mambura ma thiguku makuhiriirie matiri na uhoti munene wa kimbeca wa gukinyaniria mabataro mao ihinda-ini ria thiguku.

Muingi urateta ni kurituhirwo ni ngarama ya muturire makiuga ihinda iriri biacara nene kana nini itiraingiria mbeca kuona akenya ni mahinyiririkite kimuhuko.

Makaya maya mokite riri thirikari ya President Ruto ikoretwo igitariria uria irarahura utonga wa bururi ari ni hamwe na kuguithia ngarama ya uturo undu uria wonekete no wa ciigo tu.