KNUT KUURIA THIRIKARI GUKORWO NA WARAGANIA WANDIKANIINI WA ARUTANI

Kiama kia arutani a thukuru cia muthingi Knut kugerera mwandiki munene Collins Oyuu ni kiroria thirikari ikorwo na waragania mutaratara-ini wa wandikani wa arutani uria utanyitwo mbere ya muthia wa mwaka uyu.

Oyuu arauga kuri na aritani aingi marikirie mathomo mao miaka ya gatene indi matikoretwo makiandikwo wira undu uria wonanitie gutikoretwo na waragania mihangoini ya wandikani wa arutani.

Aritie oo thutha wa President Ruto kuuga thirikari yake ni igukorwo ikiandika arutani ngiri mirongo eri na ana mbere ya muthia wa mwaka uyu na niikoretwo yandikite arutani matanyihiire ngiri mirongo mungwanja kuuma riria yaiyukirie wathani.