RIBOTI YA DCI IGURU RI GUTHURWO KWA SPIKA WA MBUNGE YA KAUNTI YA ISIOLO

Riboti ya DCI riu ni ihuthuritie ati gutire cikara ciatabanirio mbunge-ine ya kaunti-ine ya Isiolo NIGUO KURUTURURA SPIKA WA Mbunge iyo Mohamed Roba Koto na gucagurwo kwa Abdullahi Jaldesa Banticha.
Kuringana na wuira uria woetwo kuuma kuri MCA’S 16 na aruti a wira 18 ni ati gutire ciikaro ciatabanirio tariki 19th, 24th na 26thmweri wa itandatu 2025. Kuringana na DCI ni ati mbunge ino niyarugamitie ciikaro tariki 18 mweri ucio wa itandatu 2025.
Riboti ino no irauga ati ni kwari na mbatuni ya nyanake iria yakorirwo igithararia ciikaro itongoretio ni gavana na kuuga ati mbunge ino ndiari na wuira ungi wa kuonania kura iria ciaikirio thutha wa mitambo guthukangio.
Riboti ino no yugite ati Abdullahi Jaldesa Banticha na Lucy Kagwiria Kaburu no marutaga wira ta CEC mbere ya kwnirira miito ya kuruira giturwa gia spika undu uria ututhurite ciuria ngurani.
DCI no maugite ati Salad Boru Guracha ari na ihitia ria kuihitithia Banticha akimenyaga gutiari na cikaro nake Banticha kuoneka na mahitia ma guikira maratathi maya kirore.
Riu maabithaa aya a DCI ni matwarite ndeto ino kuri wabici ya thitango cia muingi ODPP na riu metereire kuigua itura ria igoti ria tariki 25 mweri uyu mwena wa Isiolo riria rikuheana mwerekera makiria wa cira uyu.