MITARATARA WA KWAMURA MUIKARIRI GITI NA MAKAMICHINA ERU A NCIC KWAMBIRIRIA
Written by Kayu Digital Team on November 5, 2025
- NAIROBI & ENVIRONS 91.0 | MT KENYA REGION 91.1FM
Minister wa ugitîri wa bûrûri Kipchumba Murkomen niamurite kamîtîî ya andu Atandatu ya gukinyanîria uthukia wa amemba a kamîtîî ya urumwe na wuiguano wa bûrûri, NCIC.
Hari ndumiriri ngathiti-inî ya thirikari, Minister Murkomen amurite Dr Reuben Chirchir, Francis Meja, Pauline Mcharo, Col.(Rtd) Alfred Mshimba, Michael Nzomo Mbithuka na mucirithania wanahau kabere Hannah Okwengu gukorwo marî na wuigiririki wa guthurima na gukinyaniria uthukia wa amemba a kamîtîî îno ya NCIC.
Ikinya rîrî ria minister uyu riroka rîrî kibarua kia muikariri giti wa kamîtîî îno Rev. Samuel Kobia na makamichina angî Mugwanja gitanyitwo gukinya muthia tareki 17 mweri-inî ûyû wa ikumi na umwe.
Muikariri giti na makamichina a kamîtîî îno matungataga ihinda ria miaka itandatu hatari mweke wa kweruhîrio kibarua kiao.
