JUBILEE KURAHA WIHOTHI WA MATIANG’I HARI KWARAHURA UTETI WA KIAMA GIKI

Ngumo ya muhitaniri gîturua kia upresident rungu rwa kiama kia Jubilee Dr Fred Matiang’i niongererekete na gîkîro kia iguru kuuma aheo matamu ma kuhitanira gîturua gîkî na kiama giki kiumia kihetuku.

Mwandiki munene wa kiama kia Jubilee Jeremiah Kioni niwe uhithuritie maya akiuga undu uyu uraumana na gîkîro kia iguru kiria andu maraingira nakio kiama giki ori gwakia, akiaria maya thutha wa kwamukira atongoria ngurani kiama-ini giki na aria maumite kiama-ini kia ODM guku Nairobi.

Kurîngana na Kioni nîatî mari na mwihoko munene wa kugacira kwa ngumo ya Matiang’i ona makîria, agikinyiriria wihothi wake ta muhitaniri wa upresident hari gwakiriria kambiini cia kiama matuura-ini, na oho akauga ta kiama mari oro mwahu-ini wa mung’ethaniro kugerera utongoria wa Matiang’i na uria maneanire kurî ngwataniro îno kiumia kihetuku.