BORITHI KWAMBIKA UTHUTHURIA WIGII KIRIA KIRAHANIKIIRE MURUTWO AGITHII GUIKARIRA KIGERANIO

Maabitha a borithi ni mambiriirie uthuthuria thutha wa murutwo umwe wa kirathi kia form four thukuru-ini wa thekondari wa St. Philips kwaga guikarira kigeranio kia KCSE muthenya wa ira agikuirwo gukorwo araheirwo ndawa cia kurebia na gucoka kunyitwo migwate ni andu matakurikanite.

Murutwo uyu ugukurikana ta Wycliffe Muthii arerikana araumire kwao mucii itura-ini ria Kiaga wardini ya kanyeki-ini kaunti-ini ya Muraga ruciini rwa ira no indi aracokire kuonekana mwena wa Makuyu na thutha ucio niguo arakinyirio cecenini ya borithi ya makuyu.

Maabitha a borithi riu ni meraniire ati uthuthuria ni wambikitwo niguo kumenya niki kirariire kingi na nia maratabanirie giiko kiu.