ANDU 32 NIO MATHIKURITIO TIIRI KURUMIRIRA ITUIKA RIA TIIRI MWENA WA ELGEYO MARAKWET

Gukinyiria riu miiri mirongo itatu na iri (32) niyo irikitie kurutwo thutha wa guthikanio ni matigari ma tiiri mwena wa Chesongot kaunti-ini ya Elgeyo Marakwet, uhoro uyu uhithurithio ni kamisiona wa gitaru kia Rift Valley DR. Abdi Hasan agitaririra ati kuri na andu angi ikumi na kenda matari maronekana.

Komisona Abdi arauga mihango ya guthikuria tiiri uria urekuirwo gukunika andu thutha wa matuika ma tiiri mwena ucio no irathii nambere agitugiria thirikari ni gutangikira thina ucio na mituki.

Ona gukiri uguo arauga mihango ino ni iregucia kuumana na mbura nene iria irathandana mwena ucio na gucungiriria uthukangu wa mabarabara endi maabitha a ruhonge rwa kdf na ikundi ingi ni manyitaniire gutwarithia mihango ya uhonokania mwena ucio