AIKARI A NDIA KAUNTI-INI YA KIRINYAGA GUTHII HADHARA THUTHA WA GWIKIRIRIWO THITIMA MUGARU NA WATHO

Aikari a Gaciku A na Gaciku B itura-ini ria Kiaragana gicigo-ini umbunge kia Ndia kaunti-ini ya Kirinyaga maratara hathara ya makiria ma ciringi 2M thutha wa gukuruhana na mutino wa gutambirio thitima mubango-ini uri mugaru na watho

Aikari aya marauga maabitha a maigirira aria mekuruhanagia na kambuni ya utambia wa thitima ya Kenya Power nio mamakungirie wara na kumeera mekumatambiria thitima rungu rwa mubango wa githirikari

Kuringana na mwaria wa aikari aya ni ati mabangire njira cia gucanga mbeca hari oro mucii kuuma ciringi 18000 nginyagia ciringi ngiri 49000 iria maugite ciari kurugamirira ukinyaniria wa utambia wa thitima

Thutha wa thiku nini ikingi cia thitima niciakinyirio mwena ucio na micii itatu igitambio thitima indi aruti wira kambuni-ini ya Kenya Power magiikinyia mwena ucio na kurugamia tabarira iyo na kuuga utambia ucio wari mugaru na watho