AKENYA 90,000 KWIYANDIKITHIA TA AIKIA KURA ERU BURURI-INI
Written by Kayu Digital Team on November 3, 2025
- NAIROBI & ENVIRONS 91.0 | MT KENYA REGION 91.1FM
Akenya 90,020 nio marikitie kwiyandikithia weru ta aikia a kura bururi-ini gugikinyithia tareki 31 mweri muhetuku.
Kuringana ndumiriri ya muikariri giti wa kamitii ya ithurano na mihaka IEBC Erustus Ethekon niati gwata wiyandikithia uyu, akenya angi 15,619 nimarikitie guthamia kura ciao kuuma giceceni kimwe nginyagia kiria kingi bururi handu waruma.
Nginyagia riu kaunti ya Nairobi nio iri na namba ya iguru ya wiyandikithia uyu kuona iri na andu eru 16,512, igacokwo ni Kiambu na andu eru 9,917, Machakos na aikia kura eru 4,026 riri Mombasa iri na aikia kura eru 3,967.
Gitaru-ini kia Mt Kenya kaunti ya Kiambu irumiirwo ni Murang’a iria ina aikia kura eru 3,330, ikarumiirwo ni Meru 3,128, Nyeri na 1,768, Kirinyaga na 1,330 riri Nyandarua iri na aikia kura eru 828, riboti ici igiouka riri abunge aria manyitaga thirikari kuuma Mt Kenya nio George Kariuki wa Ndia na Kwenya Thuku wa Kinangop mahinyiririe muingi ukorwo ikiandikithia ta aikia kura na njira nene.
