THIRIKARI KUHINYIRIRIA IRI CEMBA KUNG’ETHERA ARIA MARENDA GWIKURUHANIA NA MIRURUNGANO YA TANZANIA MWENA WA NAMANGA
Written by Kayu Digital Team on October 30, 2025
- NAIROBI & ENVIRONS 91.0 | MT KENYA REGION 91.1FM
Thirikari ni iheanite mukana kuri akenya aria mari muhaka-ini wa Kenya na Tanzania na ria mangikorwo magiikurahania na ciiko cia gwakiriria ngahiha gicigo-ini kia Namanga iguru ria ithurano cia bururi wa Tanzania.
Mwandiki munene wa ministry ya ugitiri Raymond Omollo akiaria ari Mombasa umuthi augite thirikari ndikumairiria ona hanini gukinyukia makinya ma kiwatho iguru rigie ciiko oro ciothe cia wagarari wa watho hari akenya aria megukorwo na ithugunda ria wkenda gwakiriria ngahiha gicigo-ini giki kia Namanga kugerera mawatho ma bururi.
Murugamo uyu wa thirikari ya Kenya uroka riri arurungani kuuma Tanzania aria maratetia ithurano cia bururi umuthi mathukangirie indo itiganite gicigo-ini giki kia muhaka-ini iguru ria matukya mao ma ithurano cia upresident bururi-ini uyu, Omollo akiuga maabithaa a borithi a Kenya mari cemba gukinyaniria ugitiri wa kuigana hari aria marathii kana kuingira Kenya kugerera muhaka uyu wa Namanga.
