KIMAKO MICINGA IRI IKIIYO CECENINI YA BORITHI MAGUGUNI, THIKA
Written by Kayu Digital Team on October 30, 2025
- NAIROBI & ENVIRONS 91.0 | MT KENYA REGION 91.1FM
Abithaa umwe wa borithi hamwe na andu kihiri nimarikitie guikio ngono magikuruhanio na wuici wa micinga iri ceceni-ini ya borithi ya Maguguni Patrol Base, Thika kaunti-ini ya Kiambu.
Kamanda wa borithi wa gitaru kia Mt Kenya Samuel Ndanyi agikiri giko giki mukonde augite mihang’o ya guthuthurania na ngero niirikitie kwambikwo, na uguo akoria muingi guteithiriria hari kuheana riboti oro ciothe ciigimanie na ngero ino.
Abithaa uyu na uria urikitie guikio ngono erikanite gukorwo ari wee urari wira hindi ya giko giki, Ndanyi akiraniira wenjeri wa ngero ino, kuria mucinga muthemba wa AK47 na G3 hamwe na kihuba kia rithathi.
