SENATOR OBURU OGINGA KUYUKIA MATAMU MA UTONGORIA WA KIAMA KIA ODM
Written by Kayu Digital Team on October 27, 2025
- NAIROBI & ENVIRONS 91.0 | MT KENYA REGION 91.1FM
Senator wa kiama kia Siaya rungu rwa kiama kia ODM Oburu Oginga niarikitie kuyukia matamu ma utongoria wa kiama giki na njira ya ihinda.
Oburu akinyanirie kibarua giki ruciini rwa umuthi thutha wa gwikinyia wabici-ini nene cia kiama giki cia Chungwa House na kuria amukirirwo ni mwandiki munene wa kiama giki Edwin Sifuna na murugamiriri munene hamwe na maabitha angi a kiama.
Kwa ihinda riri Oburu aratongoria mucemanio wake wa mbere wa kanju nene ya kiama mwena wa Westland guku Nairobi, mucemanio uria utanyitwo guka na matua matiganite ari hamwe na uria kiama giki gikuarira kambiini ciakio ithurano nini iroka icigo-ini iria kirugamitie andu, murugamo wakio hari ngwataniro yakio na kiama kia UDA gatagati ka maundu mangi.
Uyu niguo mucemanio wa mbere guthanagio ni Oburu Oginga ta mutongoria wa kiama giki kwa ihinda kuuma Raila Odinga ahuruka tareki 15 mweri-ini oro uyu wa ikumi.
