MARAGA GUKIRIRA THIRIKARI NI MUGOMO WA ARUTANI NA MORITU UHUTHIRI INI WA SHA

Uria wari mucirithania munene David Maraga no athiite nambere na kuruta mahitia utongoria wa thirikari ya President Ruto akiranira kunyorokia maundu ngurani angikaiyukia giturwa kia Upresident thutha wa githurano kia mwaka wa 2027

Akiaria hindi ya kigomano na atumia aria ni atongoria kuuma kaunti ngurani mari Naivasha kaunti-ini ya Naikuru, Maraga uria wiraniire gukahuranira giturwa kia upresident rungu rwa kiama kia mazingira green Party  ni atetetie thirikari ni kwaga kuriha arutani thukuru-ini cia University undu uria uthararitie mathomo na gutiga arutwo matari na wa gwika, ihinda-ini riu agatetia kuhaguka kwa motungata rungu rwa mubango wa SHA

Maraga arauga angigatongoria bururi uyu ni akahitana na ungumania, akinyanirie watho wa gatiba hamwe na mangi