SENATOR KHALWALE KUNG’ATHIRIA MUKANA WA UDA WA KUHURIRA DAVID KAMBIINI CIA MALAVA

Senator wa Kakamega, Bonnie Khalwale niagithitie kiene mikana ya guikio nja giturua-ini kia muhiuria mucarica wa aria aingi wa thirikari bunge-ini ya Senate kumana na itua riake ria kunyita mbaru munyotori giturua kia ubunge kia Malava na kiama kia DAP Kenya Seth Panyako.

Khalwale na uria ukoretwo ukinyitanira na atongoria angi a kiama kia DAP Kenya kuhurira Panyako kambiini, augite mikana ino ndikumuguyohia ona hanini hari itua riri riake ria kuregana na murugamo wa kiama kia UDA wa kunyita mbaru David Ndakwa na uria urugamitio ni kiama giake, akiuga matua make ni mathia hari uteti wa Malava.

Senator uyu akoretwo umwe wa atongoria aria makoretwo makihura thirikari onathengia wa gukorwo acagurirwo na kiama kia UDA, na makiria ona atongoria kuuma Western Kenya nio Musalia Mudavadi na Moses Wetangula akiuga gutiri kindu mahotete kurehera muingi wa mwena uyu kuuma thirikari iria mari ituru-ini cia iguru.