EZE KUHOTITHIA ARSENAL GUKARANGA IMWANA CIA CRYSTAL PALACE NA MBAO 1-0
Written by Kayu Digital Team on October 27, 2025
- NAIROBI & ENVIRONS 91.0 | MT KENYA REGION 91.1FM
Mbao ya mumwe ya mugwimi wanahau kabere wa Crystal Palace Eberechi Eze nio irahotithirie imwana cia Arsenal kwandikithia uhotani wa mbitika irari nditu kiharo-ini kia mucii muthenya wa ira ligi-ini ya EPL.
Eze na uria uraingiririe mbao yake ya mbere kimera giki kuma anyitaniira na Arsenal araingiririe mbao ino dagika-ini ya 39 na uguo kuhotithia imwana ici cia Mikel Arteta kwandikithia uhotani wa mwanya wa ligi ino muthenya wa ira na uria uraciigire gacumbiri ka ligi na point 22, guku imwana cia Bournmouth na iria irakarangire mbutu ya Nottingham Forest mbao 2-0 irugamiire namba igiri na point 18.
Hari mbitika ingi muthenya wa ira, imwana cia Manchester City irakarangirwo na mbao 1-0 ni mbutu ya Aston Villa riri nacio imwana cia Tottenham Hotspur iragiire thoni mbutu ya Everton iri kiharo-ini kiao thutha wa kumakaranga na mbao 3-0 na uguo gwithecerera namba ithatu murugamo-ini wa EPL na kuria manyitaniire na Sunderland na aria wikendi hetuku maramunyurire njora imwana cia Chelsea na mbao 2-1.
