MP KIUNJURI GUKINYIRIRIA MURUGAMO WAKE WA KWIHANDA THIRIKARINI YA WILLIAM RUTO
Written by Kayu Digital Team on October 26, 2025
- NAIROBI & ENVIRONS 91.0 | MT KENYA REGION 91.1FM
Mubunge wa Laikipia East Mwangi Kiunjuri naihinyiririe muingi wa gitaru kia Mt Kenya kwihanda thiini wa thirikari ya Kenya Kwanza akiuga haha niho muingi wa gitaru giki uguteithikira.
Akiaria gicigo-ini kia Laikipia West, Kiunjuri augite uteti uria urakiririo ni mung’ethaniro bururi-ini nduri na uguni ona hanini kuri muingi wa gitaru giki, akiuga ukinyaniria wa tabarira cia muingi iria weriirwo hindi ya ithurano no urathii nambere gitaru-ini giki.
Gwata uu Kiunjuri nioritie muingi wa gitaru giki kugia na umenbyeri wa guikara thiini wa thirikari ya urumwe wa kibururi, akiuga ona thutha wa ithurano nene cia 2027, thirikari iria igoka igakorwo iri ya urumwe wa bururi kuona gutiri mundu kana ruriri riri na hinya wa kuhota ithurano gutari unyitaniri.
