LSK GUCAKAYA IGURU RIA WONGEREREKU WA MAWAKIRI A MAIGIRIRA MATUURA-INI
Written by Kayu Digital Team on October 26, 2025
- NAIROBI & ENVIRONS 91.0 | MT KENYA REGION 91.1FM
Kiama kia wakiri gicigo-ini kia Mt Kenya nigithingatite muingi kwihugana na mawakiri a maigirira na aria merikanite makoretwo magikungia muingi wara na muthia kumatunyukithia mbeca kugerera njira cia ukora wa uwakiri.
Muikariri giti wa kiama giki kia LSK gitaru-ini kia Mt Kenya Joel Mutuma augite namba ya mawakiri aya a maigirira ni ikoretow ikiongerereka matuku ma ica ikuhi, undu uria augite ni ukoretwo ugicambicura ritwa ria mawakiri aria mahetukitio gutungata wira-ini uyu wa uwakiri.
Ni kumana na uu Mutuma unyitaniri na wakiri Ngigi Gichoya kuuma kaunti-ini ya Kirinyaga, makiuria muingi guceragira rurenda rwa LSK mbere ya maheanite wira wa uwakiri kuri mundu oro wothe, kuona haha maugite muingi niukuranaga mawakiri aria maratungata, eri aya makiaria hindi ya kiyungano kia mawakiri gitaru-ini giki kaunti-ini ya Kirinyaga.
