NATHI GUBUTWO KAUNTI INI YA MAKUENI NI GUTHINGIRIRIA MURUARU AKAGURE NDAWA CHEMIST IMWE MWENA UCIO

Thirikari ya kaunti ya Makueni ni irikitie gukanjira nathi umwe marua make ma wira na uria ukoretwo akiruta wira thibitari-ine wa Kee Level 3 gicigo-ine kia umbunge kia Kaiti ni undu wa guthingiriria murwaru kugura ndawa nduka-ine imwe ya ndawa.

Makiria ya uguo nathi uyu ni erikanite gukorwo akirutira murwaru uyu mikana kugerera ndumiriri nguhi thutha wake kurega kugura ndawa nduka-ine iyo ya ndawa.
Ruhonge rwa ugima wa mwiri thibitari-ine uyu rugite ati ni rurikitie kwandikithia ndumiriri wabicine cia gicigo kiu niguo guthuthuria ndeto ino makiria