ARIMI A KAHUA KIRINYAGA GUCAKAYA WUICI WA MAGETHA MAO
Written by Kayu Digital Team on October 25, 2025
- NAIROBI & ENVIRONS 91.0 | MT KENYA REGION 91.1FM
Arimi a kahua kaunti-ine ya Kirinyaga ni maracakaya ni undu wa wongerereku wa ciiko cia cia wuici wa kahua kao kari mugunda-ine. Marauga ati mikora ino iraiya kahua karia karikitie kuiruha mathaa-ine ma utuko magikuira ati wuici uyu uratabanio ni aici a kahua.
Matura maria mahutitio muno Gicigo kia umbunge kia Kirinyaga ya gatagati na Gichugu.Arimi a matura ma Ndimi Kiamurunga nio a ica ikuhi gutungio ngero ino kiumia kihetuku makigetherwo kahua kao gothe.
Joyce Kiragu murimi wa kahua augite ati makiria ma miti 500 ni yakorirwo ikigethwo akiuga ati riu no hathara aratara.
Gukiri uguo riu marauga ati ni hari na bata maabithaa a borithi maingiririe na manyite aguri othe a brokers aria maragura kahua ga kuiywo na mbeca baribari kuona aya nio maretikiria wuici uyu.
