THIRIKARI KWAGITHIA KIENE RIBOTI CIA KUHITHIRA WATHO WA NENDA KWAGARARA IHOTO CIA MUINGI
Written by Kayu Digital Team on October 23, 2025
- NAIROBI & ENVIRONS 91.0 | MT KENYA REGION 91.1FM
Thirikari niyagithitie kiene riboti cia ati watho mweru uria urikitie kuhurwo kirore ni president William Ruto wa kuramata mihuthirire ya nenda niugukorwo ukiremithia wiyathi wa kwiyaria na uria uri bururi-ini.
Hari ndumiriri mwaria wa thirikari Isaac Mwaura augite watho uyu nduri handu ona hanini urahe thirikari kugerera honge ciao hinya wa gukiria aria mari na mirugamo ngurani nao, akiuga watho uyu urongoreirio hari kuhita ciiko cia waganu nenda-ini, utambia wa mathomo mogomu, utoi, uthagathagia wa andu kugerera nenda gatagati ga ciiko ingi ikoretwo igitabanio cia waganu kugerera nenda.
Gwata uu Mwaura niahinyiririe aciaria kurunga ciana ciao iria irakinyaniria mitugo ya kunyururia andu kuringana na mauthi mao kugerera mitambo ta Tiktok, akiuga uu ni wagarari wa ihoto cia umundu kuona gatiba ni ikuranite mundu wothe hatari kurora mauithi make.
