ATONGORIA A MUNGETHENIRO KUIYEHERANIA NA MIARIO YA MUTAHI KAHIGA
Written by Kayu Digital Team on October 22, 2025
- NAIROBI & ENVIRONS 91.0 | MT KENYA REGION 91.1FM
Atongoria kuuma mwena wa mungethaniro ni meyeheranitie na miario ya Mutahi Kahiga iguru rigie gikuo kia Raila na oho guteyaniria muhera wake makiuga ati timuiganu.
Gukiri uguo marauga ati gukinyiria riu kiama kia UDA nikingitumite muhera wakio kuona Kahiga ni wa kiama kiu na kiria gitari mungano-ine wa mungethaniro na njira oro yothe.
Moritie mutongoria wa kiama kiu President Ruto, muikariri giti wakio gavana wa Embu Cicily mbarire na muwandiki wakio Hasan Omar makorwo magtacukia ikinya ria kuhoya muhera ta kiama.
Makiria ya uguo ni moritie kanju ya magavana ikorwo ikihunga gavana uyu makiria akorwo agitariria kiria arendaga kuga kuona ino ni miario ingirehe ngayukano nene.
Ni hindi ino naguo kanitha wa AIPCA naguo utacukitie ikinya iruru ria kugiriria Kahiga kuigiritania na kanitha ucio na njira oro yothe ya micango ona kana guikinyia magongona-ine ma kanitha ucio.Kahiga riu akioneka gukirirwo makiria ona thengia ya kuhoya muhera.
