KAMITI YA SENATE IGIMAINIE NA THIRIKARI CIA MATURA KUURIA ACCOUNT IMWE CIA BENGI THIRIKARI-INI CIA MATURA IHINGWO

Ari ta njira ya kuhitana na wanangi wa kigina kia muingi thirikari-ini cia kaunti, kamiti ya mbunge ya senate igimainie na thirikari cia matura ni yendekithitie kuhingwo kwa account imwe cia bengi iria thirikari cia kaunti ihingurite mugaru na watho, kamiti ino ikiuga account icio ikoretwo ikiiga hatika-ini kigina kia mambirioni ma mbeca

Kamiti ino ithiite nambere ikendekithia uthuthuria mweru na utari wa mathabu ma mbeca kuhitukira ruhonge rwa mawatho ma unyabari wa kigina kia muingi , ikendekithia bengi nene ya Kenya na wabici ya nyabara wa mahuthiro ma muingi ona wabici ya mutari wa mathabu kuheo mahinya ma gukorwo na wiyathi wa gukinyira account ciothe cia bengi cia thirikari cia kaunti thiini wa bengi ya commercial.

Kamiti ino no yendekithitie kuhingwo orio kwa account iria thirikar cia kaunti ihingurite no itarahuthika na kigina kiria kiri accounti-ini icio githamirio ruhonge rw uigi wa mbeca cia kaunti CRF.