JUBILEE GUTHAGANIA KIGOMANO GIA KWARIRA MITARATARA YA KWARIRA UTONGORIA WA KIAMA
Written by Kayu Digital Team on September 26, 2025
- NAIROBI & ENVIRONS 91.0 | MT KENYA REGION 91.1FM
Mehariria mothe ma kigomano kinene gia kiama kia Jubilee na kiria gitanyitwo gutabanio muthenya wa umuthi nimarikiriire.
Mwandiki munene wa kiama giki kibururi Jeremiah Kioni akinyiririe kigomano giki na kiria gitanyitwo kwambiriria thaa igiri cia ruciini guku Nairobi gigukorwo kiri gia gucora gacira ga kiama giki hari utongoria wa bururi, kuria president muhuruku wira na uria nowe mutongoria wa kiama giki Uhuru Kenyatta atanyitwo gutongora mucemanio uyu.
Ni kigomano kiroka riri utongoria wa kiama giki wirigite gucokio moko-ini ma Uhuru Kenyatta thutha wa atongoria amwe rungu rwa Sabina Chege na Kanini Kega kwenda gutabania mogaruruku ma utongoria wa kiama gutari guthingata mitaratara ya kiama no indi igoti rirakinyaniria gukanja mucoro uyu na kuhundura utongoria wakio kuri atongoria a nahau kabere.
Kigomano kia umuthi kiroka riri riboti cia thiini ikinyiririe uria wari minister wa ugitiri Dr Fred Matiang’i aya kunengerwo matamu ma kurugama ma kiama ta president wa bururi mwaka-iniwa 2027 ni amemba a kiama giki umuthi.
