CS OGAMBA; UTHURIMI WA MATHUKURU NI UGUTEITHIRIRIA GUKURANA UBUTHU UKORETWO THEKITA-INI INO

Minister wa githo mo Julius Migosi Ogamba niakinyiririe murugamo wa thirikari wa guthurima mathukuru mothe na makiria guoka ni urugamiriri wa mbeca cia capitation.

Akiaria kamitii-ini ya bunge umuthi, Ogamba augite uthurimi uria ukoretwo ugithii nambere ni uhotete kuheana riboti cia muanya hari ministry ino imwe cia ici ari ni iria ciigimanie na thukuru itakinyaniirie ikiro cia gwitwo thukuru kumana na gukorwo itari na namba iria yagiriire ya arutwo.

Ni uthirimi augite niutheritie rigista ya arutwo na mathukuru bururi-ini, na uguo kuhe ministry mweke mwagiriru wa gutigirira nikwagia na namba ina uma ya arutwo mathukuru-ini niguo kuhotithia ona kigina gia capitation na ugayania wa arutani guthii na njira iria yagiriire mathukuru-ini.