IRUNGU HOUGHTON KUIYEHERIA KAMITI INI IRIA IROMBITWO NI PRESIDENT YA KURIHA ARIA MATUNGIRIO HATHARA MIRURUNGANO INI

Muhuraniri wa ihoto gikundine kia Amnesty International Kenya Irungu Houghton ni eyeheretie kamiti-ine iria irombitwo ni president ya kuriha andu aria makorirwo makigurara na kuragwo hindi ya mirurungano uu ari thutha wa igoti kurugamia kamiti ino kwa ihinda niguo guthikiriria cira uria uhanditwo.
Houghton uria wamurirwo kuiyukia mweke uyu mweri umwe muhetuku arekereirie ndumiriri ino umuthi.

Augite ati ndakoretwo agikinyia mucemanio-ine oro wothe wa kamiti ino na ndegukorwo agikinyia nginyagia igoti rituithanie cira uria uhanditwo wa kurugamia kamiti ino wira.
Augite ati wira wake wa kuruira ihoto cia muinge ndurugamite na no eguthii nambere na kuruirira akenya