GEN Z KUMUNDIA MWAKI BUNGE YA BURURI WA NEPAL MIRURUNGANO-INI YA MUINGI

Mirurungano ya muumo wa Gen Z bururi-ini wa Nepal niucungiririe umundia wa mwaki wa bunge ya bururi na iria iri mucii-ini wa Kathmandu hamwe na micii itiganite ya ateti bururi-ini.

Mirurungano ino na iria yambiriria muthia wa kiumia iguru ria watho wa thirikari ya bururi uyu kuhagika mikana hari nenda cia ukinyaniria ciahinga 26 ari ni hamwe na Whatsapp, Instagram, Facebook na ingi gukorwo itekuhuthika niundu wa kwaga guthingatana na mawatho ma bururi uyu riu igarurukite na gutuika gitwe gia gutetia thirikari iguru ria ciiko cia ungumania gatagati ka maundu mangi.

Ni ikinya ricungiririe nginyagia prime minister wa bururi uyu KP Sharma Oli gutiga wira niguo kuheana mweke wa kuhorohia mirurungano ino, gukinyithia muthenya wa ira andu 22 magikirwo mukonde gukorwo makuite kumana na mirurungano ya mbeu njithi aya.

Kumana na wihiriria wa mirurungano ino, thirikari nirikitie guthengia wa kuhagika mikana ya uhuthuri wa nenda ici 26 no indi muingi uronekana kwaga gutiganiria mirurungano ino, mbiraru ikiuria kugie na miario niguo kuhita mwanangiko uria uhutitie bururi uyu.