HARAMBEE STARS KUNYITA UGENI GAMBIA MBITIKA-INI YA 2026 WORLD CUP QUALIFIERS
Written by Kayu Digital Team on September 5, 2025
- NAIROBI & ENVIRONS 91.0 | MT KENYA REGION 91.1FM
Thutha wa kwandikithia maumirira mega hari mbitika cia CHAN mweri muhetuku, imwana cia kagi ka maguru bururi-ini Harambee Star niitanyitwo gucokereriria mbitika-ini cia kumatha mweke wa guthaka mbitika-ini cia 2026 World Cup umuthi.
Ni mbitika ici itanyitwo kuhe imwana cia murutani Benny McCarthy mweke wa kunyita ugeni bururi wa Gambia kiharo-ini gia Kasarani, guku Nairobi mathaa-ini ma thaa ikumi cia hwai-ini, ino ari mbitika ya gikiro giki guthakwo bururi-ini kuona nahau kabere mbitika cia mucii imwana ici ikoretwo igithakira mabururi mangi kumana na mutaratara uria urari wa guthondeka iharo cia bururi.
Nginyagia riu imwana ici iri namba inya na point 6 thiini wa ngurubu ‘F’ na iria itongoretio ni Gabon na point 18 na kurumiriwro ni Ivory Coast na point 16 riri nacio imwana cia Burundi iri namba ithatu na point 10.
Wona Harambee Stars yathaka mbitika iri na mbitika ingi mwambiririo wa kiumia giguka kuria ikanyita ugeni imwana cia Seychelles na iria iri mutiru ngurubu-ini itari na point ona imwe.
