MINISTER RUKU KURUTA MUKANA KURI ARUTI WIRA ARIA MAKORETWO MAGICERERWO KUINGIRA WIRA
Written by Kayu Digital Team on June 10, 2025
- NAIROBI & ENVIRONS 91.0 | MT KENYA REGION 91.1FM
Aruti wira wa muingi thirikari-ini aria makoretwo magicererwo ona kana kwaga guthii mawira-ini mao nimarutiirwo mukana ni minister wa utungata kuri muingi Geofrey Ruku akiuga undu uyu ni ukoretwo ukihotomia mirutira ya wira kuri muingi.
Akiaria icera-ini ria kiwira kaunti-ini ya Mombatha kuria arari nyumba-ini ya Uhuru iria iri na wabici ngurani cia thirikari, Ruku ni arathurimire ihinda ria aruti wira ria kuingira wabici-ini kuria aruti wira aria maraingirire thutha wa thaa igiri matanetikirio kuingira murago-ini uria munene.
Ni ihinda-ini riu Ruku ahithuritie thirikari iri mehariria-ini ma gutabania mogaruruku ma motungata ma muingi niguo ithiianie na unduire wa mirutire ya wira.
