PHILIP AROKO GUIKIO RUMANDE KWA IHINDA RIA THIKU 7
Written by Kayu Digital Team on May 9, 2025
- NAIROBI & ENVIRONS 91.0 | MT KENYA REGION 91.1FM
Muhuri wa biacara Philip Aroko na uria urakuruhanio na gikuo kia mumbunge wa Kasipul Charles Ongondo Were eguikara thero kwa ihinda ria thiku mugwanja niguo guitikiria uthuthuria makiria ukorwo ugikwo.
Oho ni erikanite ati ni arutire mumbunge uyu mukana mbere ya gikuo giake na kuria mumbunge Ongondo andikithirie ndumiriri na maabithaa a DCI.Uthuthuria riu urekwo niguo kumenya kana thimu yake niyahuthikire gutuma mbia kuri ekuirwo angi iria cirerikana nicihutanitie na account ciake.
Maabithaa aria marathuthuria undu uyu maugite ati kuri na kundu miceamnio yekiriwo na uguo no marathii nambere na guika ithuthuria na oho guethana na aira makiria.
Mwena wa thitango ukwendekithitie ahingirwo kwa ihinda ria thiku 30 no akorwo akihoya ni undu wa mathina ma kimwiri hamwe na bamiri
Mucirithania wa igoti ria JKIA Irene Gichobi niwe uheanire mwerekere uyu na kuga ahingirwo thiku ici 7 handu ha 5 iria ekwendekithitie.
