NDUMIRIRI YA PRESIDENT RUTO HINDI YA MAMBURA MA LABOUR DAY

‘Akenya kwa ihinda ria miaka iiri maigite muthithu wa kigina kia muigana wa 2080B rungu rwa mubango wa uigithia wa kigina kia ukuru-ini nssf na matanya ni tungigakinya mwaka wa 2027 ni bururi gukorwo uigithitie kigina kia hakuhi trillioni mwe,’

Miario ino irekereirio ni President William Ruto muthi-ini uyu wa ukunguiri wa uruti wa wira kiharo-ini kia Uhuru Gardens, akiongerera na kuuga thutha w a mogaruruku gutabanio ni thirikari ya kenya Kwanza mwakaa-ini wa 2023 , njira cia bururi kuigira muthihu niciambatirite na gikiro kinene ukiringithania na miaka mihituku.

Ciigie ngarama ya uturo iria yonekanite guthii nambere kugomera muingi, Ruto augite ni iguite na muigana wa 9.6 hari igana nginyangia 3 ½ mwaka-ini uyu , ucenjania-ini wa mbeca ukigwa kuuma ciringi 165 nginyagia ciringi 129 undu uria uhuthitie uritu w a Dollar ukinringithaniana ciringi ya Kenya

Ruto niatugiritie arimi ni uingihia wa irio migunda-ini na kugita bururi kuumana na thina w a ng’aragu, undu uria ona wambatiritie utonga wa bururi.

Ihinda-ini riu mutongoria wa bururi endekithitie ukinyaniria wa nyongerera ya micaara kuri marihi ma aruti wira ma muigana wa gikiro kia 6% , agatugiria wiyandikithia wa muingi mubango-ini wa SHA akiuga akenya 21M nio mandikithitio , no aririie waki wa nyumba cia raithi na mawira mamria maumanite na mubango ucio, ukuria wa bururi kuhitukira uriukia wa kambuni ngurani iria nita cia cukari na ingi.

Na akirongoreria ciigi giturano kia mwaka wa 2027 Ruto ahinyiriirie mbara cia uhianiri wa githurano kiu itiri na uguni kuri muingi.