ARUTI WIRA KUNYITANIRA MAMBURA-INI MA LABOUR DAY GUKU NAIROBI
Written by Kayu Digital Team on May 1, 2025
- NAIROBI & ENVIRONS 91.0 | MT KENYA REGION 91.1FM
Magana ma aruti wira ikiro-ini ngurabu bururi-ini nimarikitie gwikinyia kiharo-ini kia Uhuru Garden Nairobi kuria gugukorwo na igongona ria kibururi ria mambura ma aruti wira kana Labour Day umuthi.
Ni igongona ritanyitwo gutongorio ni president William Ruto uu ari thutha wake gwitikira ihoya ria kiama kia aruti wira bururi-ini, COTU na kiria kiharagiriria mambura maya.
Ni mambura onagukiri uguo guku bururi-ini maroka riri aruti wira marathii nambere na gukaya iguru rigie mathina kihiri, maingi ma maya ari thogora wa uturo na uria utarahota kunyitirirwo ni micara ya igoto iria maugite ningi iracoka gutungio magoti kihiri ma thirikari na kumatiga muhuko mutheri.
Makiria ma uu, ni mambura maroka riri thirikari ikorete handu haceke iguru rigie ungumania uria urahutirie mutaratara wao wa gucaria mieke ya mawira ya nanja wa bururi, kuria kihiri kia aria mari meriirwo gukorwo moneke mawira maya muthia wa mwaka muhetuku macungiririo gwikora maguite moko-ini ma turia nime twa kumatunya kigina kiria mari metirtio, umuthi magietera moone kana president na minister uri haceke makiria Alfred Mutua nimekwariria githagathago giki.
