RIRI NI IHINDA RIA KUNYITANA NA GUTUNGATIRA MUINGI, PRESIDENT KWIRA ATONGORIA A MERU
Written by Kayu Digital Team on April 30, 2025
- NAIROBI & ENVIRONS 91.0 | MT KENYA REGION 91.1FM
President William Ruto niakinyiririe bata wa urumwe wa atongoria na makiria kaunti-ini ya Meru uu ari thutha wao kugia na ngurutano cia kiutongoria kwa ihinda iraya.
Akiaria thingira-ini wa iregi thutha wa gutungana na atongoria athure na angi mucemanio-ini wa muanya, President augite hari bata atongoria aya kwa ihinda riri marute wira hamwe gutari kurongoreria mirugamo ya kiuteti, kuona kwa ihinda riri kuringana nake ni ihinda ria gutungatira muingi uria wamathurire.
Hari uteti augite ihinda riri ti ria uteti no indi ni ria utungata, akiuga ihinda ria uteti riakinya atongoria oro mundu niakehocania na uteti wake na oho kuonania maundu maria akinyaniria ta mutongoria kuri muingi.
