NGIMITHURANO CIA CIA GITARU KIA AFRICA CIA UTUTHURANI WA NGUNDI

Kiama kia ututhurani wa ngundi bururiini kia The Kenya Amateur Wrestling Association (KAWA),nikirekereirie timu ya atuthurani 18 aria makurirukia bendera ya Kenya ngimithuranoini cia gitaru kia Africa cia Africa Wrestling Championships, na iria cirahurirwo cabi ira, na ciguthii nambere kwamburanwo nginyagia tariki 4 mweri wa 4 mwaka uyu wa 2025, na iria ciratuthuranirwo Complexe Sportif Mohammed V Indoor Arena mwena wa Casablanca, Morocco.Bendera ya Kenya irarirukio ni cades 7 na seniors 11,mwandiki mukaru wa kiama giki Erick Walucho akiuga mwihoko wake munene ni kuri atuthurani a cadet wrestlers a thi wa miaka 17,na aria aratanya nimekumatha pointi njiganu niguo kumatha kanya ga gukamburana nduthuranoini cia 2026 Youth Olympic Games mwena wa Dakar, Senegal.Augiite timu ino niithagathagiite wega kuona nimaratungatiite mieri 2 mihituku,hindi ya nduthurano cia Naivasha Open Wrestling Tournament,na iria ciahuthikire gucagura timu ya bururi. Timu ino ya cadet wrestlers maranorwo ni mututhurani muhuruku wira na uria wamathire ngoga ya silver mathakoini ma 2023 Africa Beach Games, Mark Onguyesi Omumasaba. Timu ino ina nyarari 3,iria ni 65kg Janet Ingwesi wa 65kg,na uria wacokereirie mwaka muhituku hindi ya ngumuthurano cia East Africa Amateur Wrestling Championships guku Nairobi,Joy Lichuma wa 50kg, na Shalying Joy wa 49kg, aya 3 makimatha ngoga cia thahabu hari nduthurano cia regional competition.Mwena wa arume kwina, Clinton Omari wa 65kg, Dan Kegode wa 60kg, Kibugi Waweru wa 65kg undu umwe na Calvin Nyatuka wa 71kg.