ABUNGE ATUMIA GUTETIA IKINYA RIA KURENGA KIGINA KIA NGAAF
Written by Kayu Digital Team on April 30, 2025
- NAIROBI & ENVIRONS 91.0 | MT KENYA REGION 91.1FM
Itua ria thirikari ria gutinia kigina kia NGAAF na muigana wa ciringi 500M ni rutungitio uregani ni atumia ambunge makiuga itua ria gutinio kigina kiu ni igutha kuri uthii wa nambere ikundi-ini ngurani cia atumia, mbeu njithi na aria matehotete matura-ini.
Makiria ya uguo mahinyiriirie kurengwo gwa kigina kiu ni njira imwe ya kuhuthia mirutire yao ya wira kuria mumbunge wa kaunti ya Laikipia Jane Kagiri uria nowe muikariri giti wa ngwataniro ya atumia ambunge akahithuria kuri na mibango ya gutetia itua riu na kururungana nginyagia wabici-ini cia ministry ya kigina kwenda macokio.
Onakuri uguo muikariri giti wa kamitii ya bunge ya banjeti Samuel Atandi niakinyiririe niekugia na miario na ministry ya kigina niguo kigina giki gicokererie ta uria kirari nahau kabere, no oho akauga mathabu mothe ma thirikari mageragira moko-ini ma bunge na uguo no igakorwo na thairi ya muthia ya gukinyaniria mogaruruku maria irenda.
