U17 JUNIOR STARLETS GUKUMUTHURWO NI CAMEROON, 1-0
Written by Kayu Digital Team on April 21, 2025
- NAIROBI & ENVIRONS 91.0 | MT KENYA REGION 91.1FM
Nyarari cia kagi ka maguru bururi-ini thi wa miaka 17 ni iratungirio igeca hari mito yacio ya guthaka mbitika cia FIFA U17 Women’s World Cup thutha wa kurihwo na mbao 1-0 ni Cameroon mbitika-ini ya ikereka ria mbere.
Ni mbitika irari kiharo-ini kia Nyayo guku Nairobi, kuria riu nyarari ici cia murutani Mildred Cheche iri na kibarua kinene gia kugarurira maumirira maya tareki 25 mweri uyu na iria igakorwo bururi-ini wa Cameroon kuria no nginyagia nyarari ici ihote na mbao makiria ma imwe itekuingirio mbao ona imwe.
Nyarari iracarania na mweke wa guthaka mbitika-ini cia World cup ikereka ria keri na mwaka-ini wa keri kirumaniririo kuona mwaka muhetuku niciahotire gukinyaniria kugia na mweke uyu.
Mbitika cia World Cup cia mwaka uyu hari nyarari ici igukorwo igithakirwo gitaru-ini kia Africa bururi-ini wa Morocco kuuma tareki 7 mweri wa ikumi nginyagia tareki 8 mweri wa ikumi na umwe.
