LIVERPOOL IRI RITHO NA INIURU KUYUKIA THUMBI YA EPL 2024/2025
Written by Kayu Digital Team on April 21, 2025
- NAIROBI & ENVIRONS 91.0 | MT KENYA REGION 91.1FM
Imwana cia Liverpool ciaya gutugwo na ngerenwa ya ligi ya Ngeretha kimera giki muthi wa gatatu utuku kiumia giki uu ni angikorwo imwana cia Arsenal niikaribaribwo ni mbutu ya Crystal Palace hari mbitika ya ligi.
Mbitika ino na iria Arsenal ikanyita ugeni Crystal Palace kiharo-ini kia Emirate, yaya gugakorwo iri ya kunengera Liverpool ngerenua ya ligi kimera giki hatari kung’eng’ana ona hanini, kuona ingikahotwo imwana ici cia Arne Slot igakorwo irikitie kuyukia gikombe giki.
Ihenya ria Liverpool ria kuyukia thumbi rirakinyiririo muthenya wa ira hwai-ini thutha wa kuhimbita imwana cia Leicester City na mbao 1-0, na uguo gukinyiriria utongoria w aligi na point 13 iguru ria Arsenal kuona iri na point 79 riri imwana cia Mikel Arteta iri na point 66.
Nginyagia riu itigarite mbitika 5 cia Ligi ya EPL, kuria imwana cia Southampton na Leicester City irikitie guikurio ngathi, mbaara nditu riu igitigiriirwo gatagati ka imwana cia Ipswich Town na West Ham United kuria West Ham irenda oro kabati oro yothe niguo ikinyanirie kuuma hitahitano-ini ya guikurukio ngathi.
