BABA MUTHERU POPE FRANCIS NIAKUITE

Baba mutheru wa kanitha wa catholic Pope Francis Jorge Mario Bergoglio ni arikitie gukua riboti igie gukua gwake irekereirio kiroko kia umuthi thaa ithatu na ndagika 45 ni cardinal Kelvin Farrel akiuga ati Pope akuire kiroko kia umuthi thaa imwe na ndagika 35.

Pope aciarirwo kuri tariki 17, dethemba mwaka-ini wa 1936. Pope niwe wa mbere kuuma rugongo rwa America nawa mbere kuuma kuri Jesuits gutuo Pope .Atuirwo Pope kuri tariki 13 mweri wa itatu mwaka-ine wa 2013 akiihuria ithenya ria Baba Mutheru Benedicta wa 16.
Aciairirwo Buenos Aires, Argentina bamiri-ine ya gitariano, anyitanire na Jesuits ari na miaka 21 kuria akorirwo akimukira mathomo ma theology/utungata na agituika Batiri mwaka-ine wa 1969 na thutha ucio akiruta wira ta mwarimu munene wa thukuru munene wa Jesuits bururi-ini wa Argentina.Mwaka-ine wa 1999 ni atuikire muthikabu munene wa Buenos Aires, Argentina naguo mwaka-ine wa 2001 ni atuirwo Cardinal ni baba mutheru John paul wa Keri.
Pope Francis Wira-ine wake oikaine na murugamo wake wa guteithia athini na aria marenda uteithio,Oho ni atamburikite na mirugamo yake ya kuhinyiriria mogaruruku ma guteithia muingi na muno makiria maundu-ine megie ucenjia wa riera.

Icera-ine riake guku bururi-ine 2015 Pope ni akorirwo agicerera andu aria maikaraga kangemi Slums icera riake rikionania guikirira kunyitanira na andu na kuria augire ati mbica ino ni ya giconoko na kuria atongoria marore ndeto ino.

Pope akua ari na ukuru wa miaka 88.