ARIMI A KAHUA KWAMUKIRA MBECA CIAO CIA KAHUA THUTHA WA RATE KUREKERERIO KIRINYAGA
Written by Kayu Digital Team on April 21, 2025
- NAIROBI & ENVIRONS 91.0 | MT KENYA REGION 91.1FM
Mothiu ma arimi a kahua kuuma kaunti ya Kirinyaga kiumia-ini giki megukorwo makengete na njira nene makiingira mabengi-ini uu ari thutha wa arimi kuuma matinga maingi gukorwo marihitwo marihi mao ma kahua na mathogora mari iguru makiria.
Hari thothaiti iria irikitie kurekereria marihi ma kahua mwaka-ini uyu, arimi aingi marihitwo gatagati-ini ga ciringi 100 nginyagia ciringi 149 hari oro kilo ya kahua, undu uyu ukirehe utiganu na mwaka muhetuku kuria marihi thi wa ciringi igana rimwe hari thothaiti nyingi kaunti-ini.
Ni ikinya arimi magathiririe na njira nene, urugamiriri mwega wa matinga ma kahua, wambatiru wa ikiro cia kahua hamwe na thoko njagiriru ari ni mamwe ma maungu maria magiritanitio na mathogora maya mari iguru ma kahua.
Onagukiri ataramu a kahua thiini wa thi maugite wagagu wa kahua ka Brazil na karia karari thina mwaka muhetuku niund uracungiririe Kenya kugetha na njira nene hari thoko ya kahua.
