AIKARI A KAUNTI CIA LAIKIPIA NA NYANDARUA GUTETIA GUTHUKA GWA BARABARA

Aikari a itura ria Umande gicigo-ini kia umbunge kia Laikipia ya irathiro kauntiini ya Laikipia ni matetetie guthuka kwa barabara cia mwena cio makiuga itiragereka ihinda-ini riri kuri na mbura.

Aikari aya marauga mihango yao ya umuthenya ikoretwo igumiirwo ni mathina kuona mbere ya mundu aumiritie magetha kana akinyite kuria arathii wira arakorwo atumirite ihinda ria mathaa maingi uu ari thutha wa ngari kana nduthi kuremwo kugerera barabara icio.

Thirikari ikoretwo iriire aikari a Laikipia tabarira cia guthondekerwo barabara undu uria utaigana kuhinga nginyagia umuthi.

Kiriro ta giki kia guthuka kwa barabara no kiigwikite itura-ini ria Ngorika gicigoini mbunge kia Olkalau kaunti-ini ya Nyandarua aikari makiuga barabara ya kuuma ngorika guthii Mbaruku ni itiganiirio ona thengia wa atongoria gukorwo meraniire kumithondeka.