MAN U KUMUNYWO NJOYA IRI KIHARO-INI KIA MUCII NA MBAO 1-0
Written by Kayu Digital Team on April 20, 2025
- NAIROBI & ENVIRONS 91.0 | MT KENYA REGION 91.1FM
Mathina maria magumiire imwana cia Manchester United nomaratogota ta iria ria kinatha uu ari thutha wa imwana ici gukarabgwo na mbao 1-0 iri kiharo-ini kia mucii ni imwana cia Wolves.
Mbao ya dagika ya 77 ya Pablo Sarabia nicio yagiire imwana cia Ruben Umorim thoni iri kiharo-ini kia Old Trafford, kuria riu imwana ici itigitwo iri namba 14 unyitaniri na Wolves na point 38 thutha w aguthaka mbitika 33, kuria uhotani w aTottenham umuthi ungicungiriria imwana ici kurugamira namba 15.
Hari mbitika ingi cia Ligi, imwana cia Arsenal ciakaranga mbutu ya Ipswich na mbao 4-0 na uguo kurugamira ligi-ini ya EPL namba igiri na 66, ari ni point 10 thutha wa atongoria Liverpool na aria megucoka guthaka na Leicester City oro umuthi.
Mbitika ingi imwana cia Chelsea ciauma thutha na gukaranga na rugio ta nyama cia nda imwana cia Fulham na mbao 2-1, uhotani uyu ugithii nambere kuhe imwana ici mweke wa kurikia namba ithano na uguo guthaka mbitika cia Champion league kimera giguka.
