ONJORIA A THOKO YA MUDAVADI KUREGANA NA WAAKI WA WIRA

Riri thirikari iri na matanya ma guthamia onjoria a thoko ya Mudavadi niguo yake thoko njeru ahuri a biacara thokoini ino ni mathiite nambere na kuregana na riendekithia riri makiuga thoko ino ya Mudavadi hatiri thina iri naguo kuona ni ngite weega, iri na maai na iri na thitima na kuoguo gwaka thoko ino weru no kwenda kuherithia onjoria makiria wa ngiri inya.

Onjoria aya matongoretio ni Anna Nyeri na uria utariirie ati akoretwo thokoini iyo kwa ihinda ria makiria wa miaka mirongo itatu marauga thoko ino yakwo uria atongoria makoretwo makienda ikorwo ya ngoroba rigukorwo riri ihera kuri akuru aingi aria methaga uboco wao wa oro muthenya thokoini ino kuona hatiri hindi marihotaga kwenderia Indo cia iguru wa ngoroba.

Riu onjoria aya maroria thirikari itige kwenda kwagagia onjoria kuona ona makiendekithia kumiaka matiri moria muingi woni wao.