MUTUTHURANI WA REAL MADRID NA CROATIA LUKA MODRIC NIAMWE ENE KIRABU GIA SWANSEA

Mututhurani kirabuini kia Real Madrid na Croatia karainiini ga gatagati Luka Modric, riu niumwe wa ene kirabu gia Swansea, thutha wake kuigirira kimanjika gia cash na kunyitanira na ene eta muigithia wa kirabu giki niwe investor.Mututhurani uyu na uria ni wa ukuru wa miaka 39,na ni captain w kirabu gia Croatia, atungatiire Real Madrid imera 13, na akamateithiriria kuhiuka na uhotani wa Champions League maita 6,thutha wa gukorwo atungatiire Tottenham hau kabere.No onakuriouguo
Swansea matiitikiriite kuhithuria kimanjika kiria Modric na uria wahiukire na uhotani wa Ballon d’Or mwaka wa 2018 aigiriire,onagutuika nomananiitie gukenerera undu uyu makiria. Oho urugamiriri wa Swansea na Modric nimetikaniire ati muthaki uyu niekumateithiriria na umenyo wake wa kirathi kia iguru gutwara kirabu giki gikiroini kiu kingi. Kwa ihinda riri Modric arageria ouria ahota guteithiriria imwana cia real Madrid kuhiuka na uhotani wa Champions League, na kiria marageria kumatha kanya ga kwambura arsenal aria mamatamurire na igutha ria mbao 3-0 me Emirates Stadium gikiroini gia quarter-final, kuria matanyitwo kunyitana mashati ruciu me kwao mucii kiharoini kia Bernabeu.kandarathi ya mututhurani uyu iratanywo gukinya muthia muicoini wa kimera giki.