MAABITHAA A EACC KUHOBANIRIA MUCII NA WABICI YA GAVANA WAMATANGI

Maabithaa a kamiti ya kuhurana na ungumania EACC nimarokire mucii wa Kimani wa Matangi mwena wa Kifiko Kabete,Kiambu. Maabithaa a borithi marumanirire na maabithaa aya a EACC kuria mahingite kihingo kia gavana uyu na gutiri mundu o wothe uhetwo kanya ga kuingira kana kuuma muciine uyu.
Gukinyiria riu gutiri kuramenyeka gitumi kia gavana uyu gukorwo akihungwo ni maabithaa aya. Oho no kuirikanite ati maabithaa aya no mekurokete wabicine cia gavana uyu kiroko kia umuthi.

Gavana wa Kiambu kiumia giki nionekire kueherera micemanio ya ambunge aria ni athiriti a hakuhi a president riria marari mwena wa kiambu muthi wa kiumia.

Ihinda-ine riri aria maranirie na Gavana uyu maugite ati no kuhungwo arahungwo ni maabithaa aya, ni tugukorwo tukirumanirira na riboti ino makiria.