BUNGE YA BURURI KUHURA KIRORE WAMURANI WA ANDIKI AKARU ERU ATANO UMUTHI
Written by Kayu Digital Team on April 15, 2025
- NAIROBI & ENVIRONS 91.0 | MT KENYA REGION 91.1FM
Bunge ya bururi ni itanyitwo gucirira na kuhetukia maritwa ma andiki akaru 5 hari 14 aria meriga kwamurwo ni president William Ruto thirikari-ini yake.
Kuringana na mutaratara wa bunge umuthi andiki akaru atano na aria marikitie kuhetukio ni kamitii iria iramathuthuragia ni hamwe na Cyrell Odede, Boniface Makokha, Ahmed Abdisalan Ibrahim, Carren Achieng na Fikirini Jacobs aya othe atano magieterera oro kuhurwo kirore ni bunge.
Riboti cia thiini cia thirikari ihithuritie president arenda aya othe makorwo mahetukio ni bunge hamwe na minister eri amure aria ni Geoffrey Ruku na Hanna Cheptumo niguo makorwo manyuithitio muuma mbere ya aumagarite guthii bururi-ini wa China icera-ini ria kiwira kiumia giguka.
